Waaxda Nadaafada iyo Bilic soo celinta Maamulka Gobolka Banaadir oo kaashaneysa Waaxda Gaadiidka Dowladda Hoose ee Xamar ayaa caawa olole nadaafadeed ka sameeyay waddada dheer Ex-kontarol Afgooye. Olalahaan ayaa sidoo kale waxaa qeyb ka ahaa Guddoomiyeyaasha Degmooyinka Hodan iyo Dharkeenley ee Magaalada Muqdisho.
Agaasimaha Guud ee Waaxda Nadaafada iyo Bilic soo celinta Maamulka Gobolka Banaadir Mudane Maxamed Suudi ayaa sheegay in iyadoo la fulinaayo Awaamiirta Duqa Magaalada Muqdisho ee waaxda Nadaafada oo kaashaneysa Waaxda Gaadiidka iyo Guddoomiyeyaasha Degmooyinka ay Magaalada ka wadaan olole Nadaafadeed oo lagu soo celinayo bilicda, asigoo bulshada ugu baaqay in ay ilaaliyaan Bilicda iyo Nadaafadda Caasimadda.
