Barnaamijkani Wacyi galinta oo ay Fulinayaan Urur Gabdho ah oo iskood Isku Xilqaamay lagunu Magacaabo Ururka Ka Hortaga Gudniinka Fircooniga iyo Wacyi Galinta Bulshada Ayaa si rasmi ah ugu bilowday Kaamamka Magaalada Beledweyne Howsha wacyi galinta ah ee Bulshada looga dhaadhicinayo Qatarta Gudniinka Fircooniga ah ee lagu Sameeyo Hablaha Soomaaliyeed.
Gabdhahani oo Xafiiskoodu ku booqanay Ayaa u sheegay Radio Muqdisho in ay u istaageen sidii ay Bulshadooda uga Wacyi galin lahaayeen In aan Gabdhaha lagu sameeyn Gudniinka Furcooniga kaa oo Bulsha Soomaaliyeed ay u aragto Arin qatarteeda leh.
Related posts
Mid Kamid ah Kaamamkii ay Maanta Gabdhahan Wacyi galinta ka fuliyeen Ayeey Kula Kulmeen Hooyooyin Kaamka Daganaa Iyagoo u Sheegayay In ay Gabdhahooda Ka daayaan Gudniinka Fircooniga ah Taasoo iyagane si weeyn U soo dhaweeyeey.
Maryama Cabdulle Xasan Gudoomiyaha Gabdhaha Ururka Ka Hortaga Gudniinka Fircooniga iyo Wacyi Galinta Bulshada Ayaa Radio Muqdisho u sharaxday Ujeedkaย ay Kaamamka ay U booqdeen.
Qaar Kamid ah Haweenkii Ku sugnaa Kaamamka wacyi galinta laga fuliyay ayaa Iyaguna ka hadlay waxa ay ka fahmeen Gudniinka Fircooniga ah.
Waa Markii Ugu Horeeysay oo Gabdho Si iskood ah isku Xilqaamay ay Howsha wacyi galinta Gudniinka Fircooniga ah laga Fuliyo Magaaladan Beledweyne.
Gudniinka Furcooniga ayaa ah Caada Dhaqameed Foolxun Kaas oo aan Sal Ku laheeyn Diinta Islaamka.
