Taliska Ciidanka Booliska Soomaaliyeed iyo Midowga Afrika ayaa munaasabad sagootin u sameeyay ciidamo Nigeriyaan ah oo ka tirsan boliska Amisom.
Munaasabada sagootinta ayaa waxay ka dhacday garoonka kubbadda cagta ee “Stadium Muqdisho” waxaana ka qayb galay ku xigeenka Ergayga gaarka ah ee midowga Afrika lady wanyotta, taliyaha Ciidanka Booliska Soomaaliya, Taliye xigeenka Ciidanka Booliska iyo saraakiil ka kala socotay soomaaliya iyo AMISOM.
Ugu hory taliyaha ciidanka Booliska Soomaaliyeed S/Gaas Maxamed Sheeq Xasan Xaamuud ayaa halkaasi ka hadlay waxa uuna u mahadceliyay ciidamada Nigeria ee Amisom waxa uuna uu uga mahadceliyay mudadii sanadka ahayd ee ay la shaqaynayeen ciidamada Booliska Soomaaliyeed ,
Sidoo kale waxaa halkaasi ka hadlay taliyaha ciidanka Booliska AMISOM ANAD PILLAY waxa uuna sheegay in ciidamadan Booliska AMISOM /Nigeria ay howl wanaagsan ka qabteen Soomaaliya,
Lady Wanyota oo ugu danbaytii goobta ka hadashay ayaa sheegtay in galbinayso ciidamada waqtigooda dhamaaday kuwa kale ee Nigeria ka imaanayayna ay soo dhaweynayso.
