Guddiyadaan oo kala ah:-Guddiga Warfaafinta, Guddiga Dhaqaalaha iyo Ganacsiga,Guddiga Wadooyinka Dekkadaha, Garoomada iyo Guddiga Garsoorka ayaa Maanta yeeshay kulan howleedkooda.
Guddiga Warfaafinta, Wacyi-galinta, Dhaqanka, Boostada iyo Isgaadhsiinta ayaa kulankooda uu Guddoominayay Guddoomiyaha Guddiga Xil Khalid Maow Abdulkadir ayaa ku saabsanaa falanqaynta wax kabadalka hindise Sharciyeedka Saxaafada oo uu dhawaan Golaha shacabka horkeenay wasiirka wasaarada Warfaafinta ee xukuumadda federaalka Soomaaliya.
Guddiga Dhaqaalaha, Ganacsiga iyo Warshadaha ayaa ajandahoodu ahaa sii ambaqaadida howlaha Guddiga iyo dhagaysiga Warbixinta Guddi hoosaadka warshadaha iyadoo uu shir-guddoomiyay Guddoomiyaha Guddiga Xil Mohamud Abdirahman Beenebene.
Guddiga Garsoorka, Awqaafta iyo Arrimaha Diinta ee Golaha shacabka ayaa iyana kulankooda uga dooday Hindise sharciyeedka la dagaalanka Musuqmaasuqa oo uu maalmihii lasoo dhaafay guddiga ka doodayay Shir-guddoomiyaha kulanka ayaa ahaa Guddoomiyaah Guddiga Sharif Sheikh Maye.
Guddiga Wadooyinka Dekkadaha, Garoomada, Tamarta iyo Gaadiidka ayaa kulankooda waxaa shir guddoomiyay Guddoomiyaha Guddiga Xildhibaan Abdifatah Ismael Tahir ajandaha kulanka ayaa ahaa kala xog qaadasho iyo kala habeynta howlaha Guddiga horyaala.
