Madaxweynaha Jamhuuriyadda Federaalka Soomaaliya mudane Xasan Sheekh Maxamuud iyo wafdi uu hoggaaminayo ayaa goor dhaweeyd ka ambabaxay magaalada Muqdisho, iyagoo ku sii jeeda magaalada Cadaado, si uu uga qeeybgalo Β xafladda caleemasaarka madaxweynaha Galmudug oo maanta ka socota magaalada Cadaado.
Magaalada Cadaadana waxaa hadda ka socota qaban qaabada soo dhaweeynta madaxweynaha iyo wafdigiisa oo la filayo iney dhawaan ka degaan magaaladaasi, iyadoo garoonka diyaaradaha Cadaado ay ku suganyihiin masβuuliyiinta ugu sarreeysa maamul goboleedka Galmudug oo dhawaan lagu dhisay halkaasi.
Related posts
Sidoo kale madaxweynaha ayaa lagu wadaa inuu khudbad dheer ka jeediyo madasha lagu caleemasaarayo madaxweynihii ugu horreeyay ee mkaamulgoboleedka Galmudug mudane C/kariin Xuseen Guuleed.
Dhinaca kale magaalada Cadaado waxaa hore u gaaray madax kaladuwan oo halkaasi u tagtay ka qeybgalka caleemasaarka madaxweynaha maamulka Galmudug.
Ammaanka magaaladaasi ayaa si weyn loo adkeeyay iyadoo waddooyinka lagu soo daadiyay ciidamo farabadan oo isha ku haya dhaqdhaqaqa dadka iyo gaadiidka.
