Mas’uuliyiinta maamulka gobolka Shabeellaha Dhexe ayaa qaban qaabinaya dibad baxyo lagu taageerayo shirkii IGAD ee shalay lagu qabtay Muqdisho.
Gudoomiye ku xigeenka arrimaha bulshada iyo horumarinta ee gobolka Sh/Dhexe Maxamed Siyaad Cusmaan ayaa Radio Muqdisho u sheegay in bulshada ku dhaqan gobolka ay si weyn u taageereen in muqdisho ay marti geliso shirkii 53-aad ee wasiirrada arrimaha dibadda ee wadamada IGAD.
Wuxuu tilmaamay in dibad baxyo lagu taageerayo shirkaasi ay dhawaan ka dhici doonaan magaalada Jowhar, isagoo intaa raaciyay in qaban qaabada dibad baxaasi uu hadda si habsami leh uga socdo magaalada Jowhar.
Hadalka mas’uulkan ayaa imaanaya, iyadoo shalay Muqdisho lagu soo gebagebeeyay shirki wasiirrada arrimaha dibadda ee wadamada IGAD.
