Isuduwaha Howlgalka Qaramada Midoobay ee Liibiya, Rizdon Zeninga, ayaa galinkii danbe ee shalay ku dhawaaqay inuu guuldareystay wadahadaladii Geneva ugu socday dhinacyada Liibiya ee ku saabsanaa doorashooyinka iyo dastuurka.
Sargaal ka socday Qaramada Midoobay oo ka hadlay Kulankii xiritaanka shirka ayaa sheegay in wadahadalada ay u guul dareysteen tanaasul la’aanta dhinacyada wada xajoodka ka qeybgalay.
“Waxaan sii wadi doonnaa inaan la shaqeyno guddigii lagu dhisay is af garadka si aan u diyaarinno xoogta doorashooyinka loona helo madal ay u wada siman yihiin dhamaan dhinacyada Liibiya, si mar kale loo wada hadlo,” ayuu ku yiri Rizdon Zeninga, oo ka hadlayay xiritaanka shirka.
Ergaygii UN-ka u qaabilsanaa shirka ayaa sheegay in wadahadaladii ka socda Geneva oo ay dadka reer Liibiya ku haminayeen si ay u doortaan madaxweyne iyo baarlamaan uu gabi ahanba guul dareystay, taasi oo uu ku sababeeyay in dhinacyadii ka qeyb galay shirka ay isku afgaran wayeen.
Dalka Liibiya ayaa la dalaa dhacaya saameyntii ka dhalatay iskahorimaadyadii hubeysanaa ee dalkaasi ka dhacay sanado ka hor, Kuwaa oo ay taageerayeen qaar kamid ah waddamada Carabta iyo kuwa reer galbeedka, si gaar ah maleeshiyada uu hogaamiyo Khalifa Xaftar ayaa si weeyn ula dagaalamay Dowladdii uu Caalamka aqoonsanaa ee lagu dhisay Heshiiska Qaranka.
