Qaraxan oo uu fuliyay naftii halige ka tirsanaa maleeshiyada Al-Shabaab ayaa ka dhacay ka soo horjeedka dhismihii hore ee Somali Airline ee aada dhanka garoonka diyaaradaha Aadan Cadde ee magaalada Muqdisho
Inta la ogyahay hal qof ayaa ku dhintay oo ahaa naftii haliga doonayay in uu waxyeelo u geysto shacabka Soomaaliyeed, halka saddex kale ay ku dhaawacmeen oo mid ka mid ah ay ahayd haweeney goobta ka agdhaweyd.
Ciidamada ammaanka oo gaaray goobta uu qaraxu ka dhacay ayaa halkaasi ka bilaabay howlgallo ay ku xaqiijinayaan amniga, iyadoo dadkii ku dhaawacmay falkaasi loola cararay goobaha caafimaadka.
