Dooni wadday ku dhowaad 50 qof oo isugu jira caruur, haween iyo dad waayeel ah ayaa habeenimadii xalay ku soo xiratay Deked Magaalada Boosaso ee xarunta gobolka Bari, waxaana dadka saaran doontaani ay ka soo ka soo barakeceen dagaalada ka socda degmada Qandala iyo deegaano hoostaga ee ay la wareegeen kooxda ee daacish ee ka dagaalanta gudaha Soomaaliya.
Gudoomiyaha degmada Qandala, Maxamed Khuurshe oo la hadlay warbaahinta ayaa ka warbixiyay xaalada barakacayaasha waxa uuna xusay in dadkaani ay horay ugu soo barakeceen deegaanka Beexaani oo hoostaga degmada qandal xaalado abaaro iyo biyo la aan aawgeed.
Qaarkamida Qoysaska ka soo barakacay Magaalada Qandala ayaa sheegay in ay jiraan duruufo dhanka nolosha ah oo haysta qoysaska ku harsan magaaladaasi, waxa ayna dowladda Soomaaliya iyo maamulka Puntland ka codsadeen in ay la soo gaaraan gurmad bani’aadanimo oo deg deg ah.
Qoysaskaan soo gaarey Magaalada Boosaaso ayaa ka mid ah boqolaal qoys oo ka barakacay Magaalada Qandala kuwaas oo gaarey deegaanada Beyxaani iyo Buruc oo katirsna magaalada Qandal, waxaana barakacan uu yimid markii kooxda argagixisada ah ee Daacish ay la wareegeen magaalada qandal iyo nawaaxigeeda.
