Marwada Madaxweynaha Jamhuuriyadda Soomaaliya Sahro Cumar Xasan oo Wadda Olole lagu daryeelayo Carruurta Darbi jiifka ah ayaa la wareegtay Mas’uuliyadda iyo daryeelka qeybtii Saddaxaad ee Carruurta Dibjirka ah ee ku Dayacan Xaafadaha, Suuqyada iyo goobaha kale ee Magaalada Muqdisho.
Ciidamo ka Ammar Qaadanaya Marwada Madaxweynaha Jamhuuriyadda Soomaaliya isla markaana ay marwadu la socoto ayaa qaybo ka mid ah Magaalada Muqdisho ka sameeyay Howlgallo lagu Uruurinayo Carruurta Dibjirka ah ee ku dhibaataysan Caasimadda isla markaana haysan wax daryeel waalidnimo ah.
Marwo Sahro Cumar Xasan oo Warbaahinta Qaranka la hadashay ayaa Sheegtay in qorshahaan lagu Uruurinayo Carruurta Dayacan uu ka socon Doono Magaalada Muqdisho illamaa inta laga waayo Carruur hooyo la,aan Ama Daryeel Xumi ku haysato Magaalada.
“Waa habeenkii Saddaxaad ciidamaduna ay soo Uruuriyaan Anigana waa Habeenkii labaad Aan kala qayb galo Runtii sifiican ayey u socotaa waa adigaa Arkaaya Howlaha aan Ku Uruurinay iyo in aan kala soo Cayno been iyo Run ha Inoo sheegaanee waan tixgalinaynaa, qaar baa ku dhahaaya Hooyaday waan ka soo tagay, qaar baa ku dhahaaya ayeeyadeey waa ka soo Tagay, qaar baa ku dhahaaya daba ka fuul ayaan ahay marka annaga waxaa Naga go,an inaan siday noqotaba aanu daryeel u samayno” Ayey Tiri Marwada Madaxweynaha.
Dhinaca kale Marwada Madaxweynaha Jamhuuriyadda Soomaaliya Sahro Cumar Xasan ayaa Digniin u dirtay dadka sida macna la,aanta ah isaga fadhiya darbiyada iyadoo sheegtay in ciidamadu dadka nuucaas ah ay soo qaban doonaan si loo daryeelo, iyadoo baaq u dirtay walidiinta Soomaaliyeed kaas oo ku Aadan in Carruurta aysan Awoodin inay daryeelaan ku soo wareejiyaan xarunta lagu Xannaaneeyo Carruurta Daryeel la,aanta ku haysato Magaalada Muqdisho si loo Xannaaneeyo.
Qorshahaan ay waddo Marwada Madaxweynaha jamhuuriyadda Soomaaliya ayaa jaanis Ama fursad ballaaran u Abuuraysa Carruur in muddo ah aanan helin daryeel Walid iyo Mid walaal intaba kuwaas oo qaar kood waqtibadan ku qaatay Daryeel la,aantaas.
