Related posts
In ka badan 1,600 oo Qoys oo ku nool degmada Cadaado ayaa ka faa’iideystay deeqdan hilibka ah shalay iyo maanta, iyadoo qaybinteeda uu goob joog ka ahaa Gudoomiyaha degmada Cadaado.
Deeqdan waxaa bixisay hay’adda gargaarka Sucuudiga ee Soomaaliya, waxaana loogu talagalay munaasabadda Ciiddul Adxaa in danyarta looga farxiyo.
Farxaan Baddal Ciid oo ka mid ah mas’uuliyiinta deeqdan loo soo wakiishay inay bulshada gaarsiiyaan ayaa sheegay in magaalada Cadaado lagu qaybiyay ilaa 500 oo neef oo Ari ah oo loogu talagay in maalmaha ciidda danyarta hilib ahaan loogu qaybiyo.
Gudoomiyaha degmada Cadaado C/llahi C/raxmaan Tootoole ayaa sheegay in ka maamul ahaan ay ku boorrinayaan dadka wax haysta inay caawiyaan Qoysaska saboolka ah si ay farxad ugu ciiddaan.
