Hay’adda Muslim Aid UK xafiiskeeda Soomaaliya ayaa horaanta todobaadkan Degmada Afgooye ka bilawday qeybinta gar gaar loogu talagalay dadka danyarta ah ee ku nool Degmada Afhooye ee Gobolka Shabeellaha Hoose .
Deeqdaan oo ka koobneyd raashiinka noocyadiisa kala duwan, maacuun iyo waxyaabaha kale ee aas aasiga u ah nolosha bulshada ayaa waxaa ka faa’iideystay ku dhawaad 500 qoys oo ka mid ah danyarta ku nool Degmada Afgooye, kuwaasi oo qaarkood ka soo baracay cabsi laga qabo fatahaada webiga Shabeelle uu ka geysto Gobolka.
Boqolaal qoys ayaa hore ugu barakacay fatahaadda Webiga Shabeelle uu ka geystay gobolada Shabeellaha Hoose iyo Shabeellaha Dhexe, waxaana ka dhasha saameyn uu ku reebo dadka xoolaha dhaqatada, beeraleyda iyo kuwa danta yar ee labadaas gobol ku nool.
Sidoo kale adeegyada kale oo loo sameeyay waxaa ka mid ahaa caafimaadka iyo in loo dhisay musqulo, maadaama ay ku nool yihiin kaamam aan laheyn dhamaan adeegyada noloshada.
Qaar ka mid dadka ka faa’iideystay ayaa ugu mahadceliyay Hay’adda Muslim Aid UK xafiiskeeda Soomaaliya gar gaarka ay u fidisay, maadaama iyagu aan awoodin, waxaana sidoo kale ay codsadeen in si joogta ah looga warqabo.
Hay’adda Muslim Aid UK xafiiskeeda Soomaaliya ayaa ka shaqeysa caawinta dadka danta yar, waxaana ay ka gacan siisaa arrimaha caafimaadka iyo Waxbarashada, waxaana ay ka howl-gashaa deegaannada Jubbaland, Koofur galbeed, Galmudug, Hirshabellle iyo Gobolka Banaadir.
