Doontaan oo ay saarnaayeen 55 Muhaajiriin ah oo u badnaa Soomaali oo ay ku jireen Mudaaniin u dhashay dalka Masar ayaa 16 bishaan August 2026 dooni ka soo qaaday Xeebaha Liibiya, iyadoo doontu kula qalibantay Xeebaha Talyaaniga.
Ciidamada ilaalada Xeebaha Midawga Yurub ayaa ku baxay doonta markii ay soo gaartay Xeebaha dawliga ah, iyagoo soo baadiyay 53 ka Mid ah dadkii saarnaa doonta oo 7 ka Mid ah Markii danbe ay geeriyoodeen halka Labo ka mid ah oo Neef qabatimoobay iyagoo gaab ah loo qaaday isbtaal ku yaala Magaalada Palerma ee dalka Talyaaniga .
Magaalada bari ee koonfurta dalka Talyaaniga ayaa la geeyay Meydadka Muwaadiniin Soomaaliyeed iyo kuwa ay soo badbaadiyeen Ciidamada ilaalaha Xeebaha Midawga Yurub ee ka Howlgala Xeebaha dalkaasi .
Qunsulka Safaaradda Soomaliya ee dalka Taliyaaniga Mudane Axmad Cabdi Xasan Sudaan ayaa gaaray magaaladaasi si uu ugu kuurgalo Xaalada dadka Soomaaliyeed ee ay waxyeelada ka soo gaartay doonida qalibantay iyo kuwa ka badbaaday Shilka doonidaasi .
Mudane Axmed Cabdi Xasan Suudaani ayaa booqday Xarunta hayโadda Bisha Cas ee dalka Talyaaniga Crose rossa italia halkaas oo ay ku jiraan meydadka Muwaaniinta Soomaaliyeed ee ku geeriyooday Shilkii dhacay .
Qunsulka oo hadalkiisa sii wata ayaa sheegay inay ku howlanyahiin dhamaystirka shuruucdii iyo Nidaamkii loo mari lahaa in ehelada Muwaadiniintaas loo ogolaado inay Aastaan Meydkooda .
Mudane Axmed Sudaani ayaa Hay’adaha Ammaanka ee dalka ujeediyay inay sida ay ula dagaalameen khawaarijta Al-shabaab oo kale ay ula dagaalamaan shabakadaha dhiig miiratada ee Tahriibiya dhallinyarada Soomaaliyeed isagoo Waalidiinta kula dardaarmay inay ka digtoonaadaan in Awlaadooda ay Tahriibiyaan kooxahaan maxanayaasha ah.
