R.wasaaraha Xukuumadda Fadaraalka Soomaaliya Mudane Cumar C.rashiid Cali Sharmarke oo Isagoo ay Wehliyaan Xubno ka tirsan golaha wasiiradda xukuumadda Fadaraalka ku sugan Magaalada Dowxa Ee Dalka QatarΒ ayaa maanta xarigga kaΒ jaray dhismaha Cusub ee Safaaradda Soomaaliya ee Dalka Qatar.
R.wasaaraha ayaa kormeeray Qeybaha Uu ka koobanyahay dhismaha Safaaradda oo si casri ah u dhisan, lacagta ku baxday dhismahaasina ay bixiyeen Jaaliyadda Soomaaliyeed Ee Ku nool dalkaasi Qatar.
Related posts
R.wasaare Sharmarke iyo Xubnaha wasiirada ee la socda oo uu wehliyo Safiirka Soomaaliya ee Dalka Qatar ayaa kulan la qaatay Jaaliyadda Soomaalida ee ku nool dalkaasi isaga oo warbixin ka dhageystay Enjineerka dhimahaasi Naqshadeeyay.
Wasiirka Arimaha Dibadda iyo Dhiirrigalinta Maalgashiga Soomaaliya C.salaam Cumar Hadliye oo ka hadlay munaasibadda ayaa bogaadiyay Safiirka iyo Jaaliyadda Dalkaasi ayna masuuliyad iska saaraan ilaalinta Hantida Qaranka.
Mudane Cumar C.rashiid ayaa xusay in wax lagu farxo ay tahay hir galinta Dhismaha Cusub ee safaaradda Wuxuuna ku boorriyay in ay sii wadaan dadaaladda kor loogu qaadayo Hormarka Soomaaliya.
”waxan runtii u hambalyeynayaa Jaaliyadda oo safaaradan iyagaa iska leh, waxaan gaar u bogaadinayaa safiirka iyo Injineerka dhisay oo runtii shaqa aan caadi aheyn ka qabtay, waxaan kaloo bogaadinayaa Mukhtaar iyo Safaaradda shaqaalaheeda iyo intii ka qeybqaadatay, Runtii sharaf ayey noo tahay markii waxaan oo kale aan ku talaabsanay waa guul u soo hoyatay umadda Soomaaliyeed,Hase ahaatee sida wasiirku sheegay heynteeda ayaa waxaa lagaa rabaa umadda soomaaliyeed ee inta joogta,Safiika waa dadaalay iyo Injinerka,dowladda Qatar waan ugu mahadcelinayaa sida hagar la’aanta ah ee ay u garabtaaganatahay umadda Soomaaliyeed” Sidaasina waxaa yiri R.wasaaraha Soomaaliya Mudane CumarΒ C.rashiid oo Qudbad Dardaaran ah u jeedinayay Jaaliyadda Soomaaliyeed ee ka soo qeybgashay Furitaanka Dhismaha Cusub ee Saraafaradda Soomaaliya ee Dalka Qatar.
ugu dambeyn Qeybaha Kala duwan ee Bulshada Soomaalida ee Ku nool Dalkaasi Qatar ayaa si weyn u soo dhaweeyay Furitaanka Dhismahaasi Cusub ee safaaradda Soomaaliya ee Dalka Qatar.
Sawir Qaade Feysal Muuse Maxamed
Wariyaha Gaarka Ee X.R.Wasaraha.
