Ciidankaan gaarka oo loo diyaariyey in ay fuliyaan howlgalo qorshaysan lagu qaadayo goobyo lagu tuhinsan yahay in ay ku dhuumaalaysanayaan maleeshiyaadka Nabad iyo nolal diidka ah ee Al-shabaab ayaa Xalay xili danbe booqasho dhirin galin ah iyo niyad dhis ah ugu tagey Ra’iisul wasaaraha xukumadda federaalka Soomaaliya Mudan Xasan Cali Khayre oo uu ku wehliyo taliyaha Ciidanka Booliska Soomaaliya.
Ciidankaan oo lagu diyaariyey degmada dayniile ee Gobolka Banaadir ayaa isku jira Booliska xoogga Dalka iyo Nabad sugida kuwaa oo u diyaarsan sameeyaan howlgal lagu cirib tirayyo kooxda nabad-diidka Al-shabaab oo la helay xog ku saabsan meeloo ay ku dhuumaalaysanayaan si ay u diyaariyaan qaraxyo ay ku dhibaateen shacabka Soomaaliyeed.
Ra’iisul Wasaaraha xukumadda federaalka Soomaaliya mudane Xasan Cali ayaa warbixin ku aadan diyaar garowga ciidanka waxa ka dhageystay Sarakiisha hogaaminaysa waxaa uuna uu muujiyey tageero isagoo ku hadlayey magaca Madaxwaynaha.
Ra’iisul wasaaraha xukumadda oo wali ku guda jira kormeerka amniga ayaa waxa uu booqday saldhigga degmada Hodan oo uu horay uga soo shaqeeyey waxa uuna kormeeray qaybaha kale duwan ee saldhiga isagoo qaabka uu ku shaqeeyo saldhiga ka wareystay Taliyaha saldhiga degmada Hodan C/fitaax.
kormeerkaan uu Ra’iisul Wasaaraha xukumadda fedearalka Soomaaliya mudane Xasan Cali khayre uu ku tagey xalay degmooyinka hodan iyo deyniile ayaa qayb ka ah fulinta qorshaha xukumadda nabad iyo nolol oo ahmiyadda 1aad u yahay amniga isagoo habeen labo habeen ka horna kormeerkaan oo kale ku tagey degmadda Hiliwaa ee Gobalka Banaadir.
