Ra’iisul Wasaaraha Wadanka Talyaaniga Mudane Giuseppe Conte oo xiriir dhanka telefoonka ah lasoo sameeyay Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa ugu hambalyeeyay sanad guurada 60-aad ee 1-da Luuliyo.
Raiisul wasaare Giuseppe Conte wuxuu salaan uga siday Madaxweynaha dalkaas Talyaaniga Mudane Sergio Mattarella, Mas’uuliyiinta ayaa sidoo kale ka wada hadlay xoojinta xiriirka labada dal.
Qoraal kooban oo uu soo dhigay bartiisa Twitterka Madaxweynaha Jamhuuriyadda Federaalka Soomaaliya mudane Maxamed Cabdullaahi Farmaajo ayuu uga mahadceliyay madaxdaasi sida ay xiriirka ula soo sameeyeen, islamarkaana ay la qeybsadeen hambalyada xuska todoobaadka xorriyadda Soomaaliya.
Marka laga soo tago dalka Talyaaniga waxaa jira wadamo badan oo caalamka ka mid ah,kuwaasi oo u soo hambalyeeyey Soomaaliya oo u dabaaldegtay sanadguuradeedii 60-aad ee xoriyadda iyo midnimada dalka.
Midowga Afrika, Carabta, sida Boqortooyada Sucuudiga, Qatar, Baxreyn, Falastiin, Turkiga, Shiinaha, Mareykanka iyo wadamo badan oo caalamka ah ayaa Soomaaliya ugu soo hambaleeyey sanadguuradeedi 60-aad oo shalay la soo geba gebeeyay.
