Kulankaan oo ka dhacay qasriga madaxtooyada jamhuuriyadda aanu walaalaha nahay ee Djibouti ayaa madaxweynaha Jabuuti mudane Ismaaciil Cumar Geele oo uu wehliyo ra,iisul wasaarihiisa Cabdul qaadir Kaamil Maxamed waxaa uu la qaatay ra’iisul wasaare ku xigeeenka Dowladda Soomaaliya mudane Maxamed Cumar carte oo ay wehliyaan Wasiirka xanaanada xoolaha dhirta iyo daaqa iyo wasiirka boostada iyo isgaarsiinta Soomaaliya waxaana looga hadlayay xaaladaha labada dal iyo iskaashiga walaalnimo ee ka dhaxeeeya Soomaaliya iyo Jabuuti.
Ra’isul wasaare ku xigeeenka Soomaaliya mudane Maxamed Cumar carte ayaa waxaa uu madaxweynaha Jabuuti uga mahad naqay dadaalkiisa uu had iyo jeer taageerada hagar la.aaneed uu la garab taagan yahay dowladda iyo shacabka Soomaaliyeed isagoo sheegay in bulshada Soomaaliyeed aysan marnaba halmaameyn garab istaagaas.
Madaxweynaha Jamhuuriyadda Jabuuti mudane Ismaaciil Cumar Geele ayaa waxaa uu madaxda Soomaaliya oo uu ugu horeeyo madaxweynaha Jamhuuriyadda ku amaanay dadaalka ay ugu jiraan sidii Jamhuuriyadda Soomaaliya ay cagaheeda isugu taagi lahayd waxaana uu ku booriyay in dadaalkaas ay sii laban laabaan.
Ra’iisul wasaare ku xigeeenka dowladda federaalka ah ee Soomaaliya mudane Maxamed Cumar carte Qaalib ayaa warbaahinta waxaa uu faah faahin ka siiyay kulankaas uu la qaatay madaxweynaha Jamhuuriyadda Jabuuti mudane ismaaciil Cumar Geele waxaana uu sheegay in uu ahaa kulan ay iska xogwareeesteeen xaalada dalka Soomaaliya madaxweynuhuna uu bogaadiyay howlaha socda isagoo mahadnaq balaaran u jeediyay Madaxweyne Geele iyo dowladiisa.
