Shirka looga hadlayo Badqabka Suxufiyiinta Soomaaliyeed oo maanta ka dhacay Muqdisho waxaa ka qeyb galay madax katirsan dowladda Soomaaliya, waxaana madaxda ka qeyb galeysa shirka hadal soo dhaweyn ah u jeediyey Sii hayaha wasiirka, ahna wasiir ku xigeenka wasaaradda warfaafinta Mudane C/raxmaan Iidaan Yoonis.
Shirka oo wali socda ayaa waxaa Kasoo qayb galay Ra’iisul Wasaare ku xigeenka JFS Mudane Mahadi Maxamed Guuleed,Gudoomiyaha Gobolka Banaadir Cabdiraxmaan Cumar Cusmaan Eng Yarisow, Senitor Amina Xasan Adan, ku xigeenka Xeer ilaaliyaha Qaranka, Madaxda UNISCO iyo hey adaha Madaxa Banaan ee warbaahinta Qaybahooda Kala Duwan.
Mudane C/raxmaan Iidaan Yoonis oo furitaanka kulanka hadlay ayaa uga mahad celiyey dhinacyada ka qeyb galay shirka sida ay u ajiibeen ka qeyb galka shirkaan iyo waqtigooda qaaliga ah oo ay usoo hureen.
Sidoo kale wasiir C/raxmaan iidaan Yoonis ayaa si gaar ah ugu bogaadiyey UNISCO kaalinta muhiimka ah oo ay ku leedahay shirkaan.
