Ra’iisal Wasaare-ku-xigeenka Xukuumadda Federaalka Soomaaliya, Mudane Saalax Axmed Jaamac ayaa maanta kormeer shaqo ku tegey dekedda magaalada Muqdisho, halkaas oo ay ku soo dhaweeyeen Wasiirka Wasaaradda Dekadaha iyo Gadiidka Badda, Mudane Maxamuud Aadan Geesood, Wasiir-udawlaha Wasaaradda Dekadaha & Gaadiidka Badda, Mudane Maxamed Cabdulqadir Dhucle iyo Maareeye-ku-xigeenka Dekedda Muqdisho, ahna kusimaha Maareeyaha Guud ee Dekedda Muqdisho Mudane, Dr. Cali Xaaji Maxamed.
Wasiirka Wasaaradda Dekedaha iyo Gaadiidka Badda ayaa waxbixin ka siiyay Ra’iisal Wasaare-ku-xigeenka XFS shaqada baaxadda leh ee ay ummadda Soomaaliyeed u hayso Wasaaradda Dekadaha iyo Gaadiidka Badda, isaga oo intaas ku daray sida ay ugaga go’an tahay horumarinta adeegyada Wasaaradda.
Ugu danbayntii Ra’iisal Wasaare-ku-xigeenka 1aad ee JFS ayaa bogaadiyay hawlaha baaxadda leh ee ka socda dekedda magaalada Muqdisho, kuwaas oo ay garwadeen ka tahay Wasaaradda Dekedaha iyo Gaadiidka Badda ee JFS.
