Ra’iisul Wasaare ku-xigeenka Xukuumadda Federaalka ah ee Soomaaliya Mudane Maxamed Cumar Carte oo howlo shaqo u jooga dalka Denmark ayaa kulan la qaatay Jaaliyadda Soomaaliyeed ee wadankaaasi.
Kulan ayaa looga hadley doorashada Soomaaliya sanadkan 2016-ka, doorka Jaaliyadda Soomaaliyeed ay ka qaadan karto horumarka dalka iyo arrimo kale.
Ra’iisul Wasaare ku-xigeenka Xukuumadda Soomaaliya Mudane Maxamed Cumar Carte oo kulanka Jaaliyadda hadal kooban ka jeediyay ayaa ugu horeyn uga warbixiyay xaaladda siyaasaddeed, tan Nabadgelyo iyo horumarka ka jirta dalka, waxaana uu Jaaliyadda ugu baaqay inay u istaagaan ka qeyb qaadashada dib u dhiska iyo horumarka dalkoodaa.
“Soomaaliya waxa ay ku talaabsatay horumar dhinac kasta leh, waxaana ku rajo weynahay in iyada oo ay dhisanyihiin hay’adihii dowladda ay dalka ka dhacdo doorasho dadban”ayuu yiri Ra’iisul Wasaare ku-xigeenka.
