Ra’iisal wasaare ku xiggeenka dalka Mudane Mahadi Maxamed Guuleed, ayaa maanta daahfuray munaasabadda dajinta siyaasadda Qaran ee horuimarinta cayaaraha iyo dardargalinta qorsha hawleedka sanadkan 2018-da.
Daahfurka dajinta siyaasada qaran ee ciyaaraha dalka oo ay soo agaasintay wasaaradda dhalinyarada iyo ciyaaraha Xukuumadda Soomaaliya oo ay kasoo qeyb galeen wakiilo ka socda dowladda goboleedyadda dalka, gobolka Banaadir iyo bahda Sportiga, ayaa loogu talo galay in lagu xoojiyo hormarinta dhalinyaradda ciyaaraha wasiiradda, waxaana daah furay ra’iisul Wasaare ku xiggeenka dalka ahna ku simaha ra’iisul Wasaaraha dalka Mudane Mahdi Maxamed Guleed.
Wasiirka Wasaaradda dhalinyarada iyo ciyaaraha xukuumadda federaalka Soomaliya Marwo khadiijo Maxamed diiriye, ayaa sheegtay in dowlad goboleedyadda dalka ay isku aragti ka yihiin hirgelinta Siyaasada Qaran oo ku aadan hormarinta dhalinyaradda iyo ciyaaraha.
Ra’iisul Wasaare ku xiggeenka dalka Mudane Mahadi Maxamed Guuleed, ayaa
waxa uu sheegay in dowladda ay ahmiyad weyn siineyso hormarinta dhalinyaradda, dowladanu sanadankaan 2018 ay leedahay qorsha howleed ku aadan dhalinyaradda.
Dowladda Federaalka ah ee Soomaaliya ayaa talaabooyin u qaaday dhinaca horumarinta cayaaraha, iyaddoo muddo dheer ka dib la soo celiyey ciyaarihii goboladda oo haatan xulalka dowlad goboladeedyada ku loolamaan sanad kasta.
