Ra’iisul Wasaaraha Xukuumadda Federaalka Soomaaliya Mudane Maxamed Xuseen Rooble ayaa kulan sagootin ah la yeeshay Danjire Aadan Xasan Aadan (Belelo), safiirka sii baxaya ee dowladda Djibouti, isagoo uga mahadceliyay kaalintiisii xiriirka labada dal ee walaalaha ah.
Kulanka Ra’iisul Wasaare Rooble ee uu la qaatay safiirka sii baxaya dowladda Djibouti ee Soomaaliya Danjire Aadan Xasan Aadan ayaa waxaa goob joog ka ahaa Wasiirka Maaliyadda ee Xukuumadda Federaalka Soomaaliya Dr Cabdiraxmaan Ducaale Beyle.
