Ra’iisul Wasaaraha Xukuumadda Federaalka Soomaaliya Mudane Xamse Cabdi Barre ayaa sheegay in Wasaaradda Xannaanada Xoolaha Dhirta iyo Daaqa looga fadhiyo siyaasad qaran oo lagu badbaadinayo Xoolaha Soomaaliyeed.
Ra’iisul Wasaaraha, ayaa xusay in haddii aan la qaadin tallaabooyin deg-deg ah oo lagu badbaadinayo xoolaha Soomaaliyeed ay sanadaha dhow dabar go’i doonaan.
Related posts
Ra’iisul Wasaaraha oo ka hadlayay munaasabad xarigga looga jarayey dhismaha Wasaaradda ayaa xusay in xooluhu ay yihiin mid kamid ah ilaha ugu muhiimsan dhaqaalaha dalka, xilligana ay saameyn ku yeesheen xili roobaadkii la filayey oo la waayey iyo isbeddelka cimilada oo saameeyey deegaankii ku haboonaa daaqsinka.
Munaasabadda xarigga looga jarayay Dhismaha Wasaaradda Xannaanada Xoolaha Dhirta iyo Daaqa oo dayactir lagu sameeyayy ayaa waxaa ka qeyb galay Wasiirro ka tirsan Xukuumadda, Xildhibaanno iyo Danjiraha Midowga Yurub u fadhida Soomaaliya.
