Ra’iisul Wasaaraha Xukuumadda Federaalka Soomaaliya Mudane Maxamed Xuseen Rooble, ayaa maanta soo xiray Madasha sanadlaha ah ee Aragti Wadaagga Heritage oo lagu qabtay dalka Jabuut, taas oo sanadkan looga doodayay xasaradaha ka taagan Qaaradan Geeska Afrika iyo sidii xal loogu heli lahaa.
Ra’iisul Wasaaraha Xukuumadda Federaalka Soomaaliya iyo Wefdi uu hoggaaminaayo oo xalay gaaray caasimadda dalka Jabuut ee Djibouti, ayaa khudbad ka jeediyay mdasha ka hor inta uusan soo xirin maanta.
Madasha Aragti Wadaagga oo uu abaabulay Mac-hadka Heritage oo sanadkiiba mar la qabto ayaa sanadkaan lagu qabtay Dalka Jabuuti, iyadoo ay ka soo qeeyb galeen wafood aad u badan oo kulanka lagu marti qaaday.
