Ra’isul wasaaraha Jamhuuriyadda Federaalka Soomaaliya mudane Cumar C/rashiid Cali Sharmaarke oo ay wehliyaan Madaxweynayaasha Maamulada Puntland iyo Galmudug, ayaa Muqdisho yimid, waxaana garoonka diyaaradaha Aadan cadde ee magaalada Muqdisho ku soo dhaweeyay xubno ka tirsan labada gole ee dowladda,xubno ka tirsan beesha caalamka, siyaasiyiin xilal kale duwan ka soo qabtay dalka.
Madaxweynayaasha maamul goboleedyada Puntland iyo Galmudug ayaa muqdisho uga qayb geli doona shirka Madasha wada tashiga qaran ee doorashada 2016, shirkaasi oo ka furmaya beri magaalada Muqdisho.
Ra’isul Wasaaraha oo hormuud u ahaa gudiga dhex dhexaadinta ka waday magaalada Gaalkacyo gobolka Mudug ayaa ku soo guuleystay xalinta khilaafyada sababay dagaal dhex maray Maamulada Galmudug iyo Puntland.
