Shirkaan oo magaaladda Muqdisho ka socday afartii maalin ee la soo dhaafay ayaa waxaa qabatay wasaaradda Cadaaladda xukuumadda Soomaaliya, waxaana ka qayb galay dhinacyada garsoorka dalka oo ay ku jiraan wasiirada cadaaladda maamul goboleedyada.
Shirka ayaa intii uu socday waxaa diiradda lagu saaray sidii dalka dhanka cadaaladda uu horumar uga sameyn lahaa, qubarada ka qaybgashay ayaana soo saaray war murtiyeed ka hadlay muhiimadda natiijadii ka soo baxday doodii socotay dhowrka maalin,
Ra’iisul wasaare kubxigeenka dalka ayaana gabagabadii soo xiray shirka maanta.
Saalax xabiib Jaamac wasiirka Cadaaladda maamulka puntland oo ku hadlay magaca maamul goboleedyada iyo guddoomiyaha guddiga cadaaladda barlamaanka Jamhuuriyadda Soomaaliya ayaa wadajir u sheegay in wax weyn laga faa.iiday doodii maalmahan u socotay, waxaana ay soo jeediyeen in laga wada qayb galo hormarinta cadaaladda.
Wasiirka Cadaaladda dowladda federaalka ah ee Soomaaliya Mudane Cabdulaahi Axmed Jaamac Ilka jiir oo ka hadlay xiritaanka shirka ayaa sheegay in gobolada looga yeeri doono qubaro si markaa iyana talooyin uga bixiyaan hormarinta Cadaaladda dalka.
“Dhawaan gobolada ayaan ka wici doonaa qubaro waxaa ay muddo bil ah fadhi doonaan halkaan waxaa ay iyana talo naga sii doonaan hormarinta cadaaladda dad ajaanib ah in ay cadaaladda noo tilmaamaan sax maahan”ayuu yiri Ilka jiir.
Ra’iisul wasaare ku xigeenka dalka Mudane Maxamed Cumar Carte oo soo xiray shirkaan ayaa bogaadiyay howsha ay qabteen ergooyinka waxaana uu xusay in muhiimadu tahay in cadaaladda xoogga la saaro, la.aanteedna uusan dalkani hagaageyn.
‘Aadbaan ugu faraxsanahay war murtiyeedka aad soo saarteen waxaan u baahanahay in cadaaladda wax badan aanu ka qabano hadaan cadaaladda hagaajino dalkeenu waa hagaagayaa lkn inta saan ay tahay dhibka waa jiraa”ayuu yiri Mr Carte.
Maareeyaha NIRA oo ka qeyb galay Meertada 7-aad ee Madasha Horumarinta Aqoonsiga Dhijitaalka ah
Maareeyaha Guud ee Hay’adda NIRA, Mudane Cabdiweli Cali Cabdulle (Timacadde), iyo wafdi uu hoggaaminayo ayaa ka qeybgalay Meertada 7aad ee...
