Ra’isulwasaaraha Itoobiya Abiy Ahmed ayaa booqday isbitaal ay ciidanka leeyihiin oo ku yaala magaalada Adis Ababa halkaas oo lagu daweynayo askarta kusoo dhaawacantay dagaalka waqooyiga itoobiya .
Abiy ayaa sheegay in uu soo eegay xaalada raga iyo dumarka ciidanka Itoobiya ee dhaawaca ah wuxuuna ku tilmaamay halyeeyo naftooda u huray Itoobiya .
Wuxuu tilmaamay in Itoobiya ay sharfeyso naf hurnimada ciidanka ayna xusuusan doonto.
Lama oga qasaaraha dhabta ah ee ka dhashay dagaakii mudada 26 cisho socday dhax maray ciidanka federaalka Itoobiya iyo kuwa ismaamulka Tigreega ee TPLF.
Dowlada Itoobiya ma sheegin tirada askarta ka dhimatay iyo kuwa ka dhaawacmay mudadii uu dagaalka socday.
