Naadiga reer Spain ee Real Madrid ayaa dhowrkii sanno ee la soo dhaafay waxa ay la wareegeysay xiddigaha ugu muhiimsan Spurs-ka iminkana waxa ay bartilmaameedsaneysaa Christian Eriksen.
Eriksen oo 26-sanno jir ayaa heshiiska uu kula jiro kooxdiisa waxaa ka harsan labbo sanno, waxaa lala xiriirinayay Barcelona.
Jariirada Marca ayaa warisay Real Madrid inay laacibkan u aragto beddelka Luka Modric.
Eriksen ayaa dhalliyay 14 gool, waxanna uu caawiyay 13 gool, waxanna uu ka qeyb qaatay ololaha xagaagan ee naadigiisa.
Dhammaan tartamadda oo dhan waxa uu kooxdan Ingiriiska kasoo muuqday 226 kullan, goollasha uu dhalliyay ayaa ah 56 gool, waxanna uu kasoo tagay marka uu kusoo biiray naadigan Ajax sannadkii 2013.
