Kooxda Real Madrid ayaa garoonkeeda Santiago Bernabeu barbardhac 1-1 ah kula gashay kooxda Villarreal.
Kooxda Real Madrid ayaa goolka la hor martay,waxaana bilowgii qeybtii labaad ee ciyaarta gool rigoore ahaa u dhaliyay ciyaaryahan Cristiano Ronaldo.
Ciyaaryahan Gerard Moreno ayaa daqiiqadii 64-aad ee ciyaarta goolka bareejada u dhaliyay kooxda Villarreal.
Kooxda Real Madrid ayaa iska qasaarisay ay afar dhibcood ugu qaban laheyd horyaalka Spain ee La Liga.
Kooxda Real Madrid ayaa horyaalka Spain ee La Liga ku hogaamineyso 61-dhibcood,halka kooxda Villarreal ay horyaalka uga jirto kaalinta lixaad,iyadoo leh 45-dhibcood.
