Kooxda Real Madrid ayaa caawo ku guleeysatay koobka naadiyada aduunka ee Fifa Club World Cup,ka dib markii ay garoonka Marrakesh ee dalka Morocco 2-0 uga badisay kooxda San Lorenzo ooka socotay dalka Argentina.
Kooxda Real Madrid ayaa goolka la hor martay waxaana dhamaadkii qebytii hore ee ciyaarta u dhaliyay ciyaaryahan Sergio Ramos,sidasi ayaana lagu kala nastay qeybtii hore ee ciyaarta.
Ciyaaryahan Gareth Bale ayaa bilowgii qeybtii danbe ee ciyaarta u dhaliyay kooxda Real Madrid.
Kooxda Real Madrid oo uu hogaamiyo macalin Carlo Ancelotti ayaa koobkeedii afaraad ku guuleysatay sanadkan.
Kooxda Real Madrid ayaa badisay kulankii 22-aad oo xiriir ah dhamaan tartamada.
Kooxda Real Madrid ayaa horey ugu soo guuleysatay koobka naadiyada yurub ee Champions League-ga,koobka UEFA Super Cup-ka Yurub iyo koobka Copa Del Rey.
