Xulka qaranka Uruguay ayaa u gudbay wareega sideeda-ka ee koobka aduunka kadib markii ay ka adkaaden xulka qaranka Portugal kulan xiiso badan dhexmaray labada dal.
Ciyaarta oo hogaanka ay qabatay Uruguay ayaa waxaa goolka u saxiixay Cavani ayadoo barbaro 1-1 ah uu ka dhigay Pepe oo difaaca ugu ciyaara Portugal.
Qaybtii danbe markii la isku soo laabtay ayaa waxaa markale hogaanka qabatay Uruguay waxaana gool kale ka dhaliyay Cavani oo habeenkiisa ay ahayd caawa waxaana uu ay ahayd markii sadexaad oo shabaqa uu soo taabtay tan iyo markii uu koobka aduunka bilowday.
Goolka pepe uu ka dhaliyay Uruguay ayaa ahaa goolkii ugu horeyay oo laga dhaliyo Uruguay tan iyo markii uu bilowday koobka aduunka waxaana ay barbareyeen Rikoor u yaalay xulka qaranka Uruguay hase yeeshe Rikoor cusub oo ay doonayeen difaacyada Uruguay ayeeysan u suurta gelin.
Uruguay ayaa sidoo kale ka adkaaday Portugal markii ugu horeysay laba jeer oo horey ay u wada kulmeen ayaa waxaa ay ku kala tageen kulan laga adkaaday Uruguay iyo mid ay iska dhaafi waayen oo ay ku kala baxeen barbaro.
Uruguay ayaa haatan u gudbay wareega sideeda-ka ee koobka aduunka waana mid ka mid ah dalalka ugu adag koobka aduunka ayadoo horey ay ugu soo guuleysteen koobka aduunka laba jeer waana dalkii ugu horeyay ee ku guuleysta koobka aduunka markii ugu horeysay oo la qabtay sanadkii 1930-kii, dhanka kale Uruguay oo guuleysata afarta kulan ee ugu horeysa koobka aduunka ayaa noqoneyso markii ugu horeysay tan iyo sanadkii ugu horeyay ee koobka aduunka la qabto oo ay ku guuleysteen.
Cavani oo ku guuleystay laacibka ugu wanaagsan garoonka ayaa dhaliyay labada gool ee u suurta gelisay in ay ku garacaan Portugal ayaa waxay noqoneysaa markii labaad oo goolal uu u dhaliyo Uruguay laba jeer oo horey uu u dhaliyay waa laga adkaaday hase markaan nasiibka ayaa saaciday oo waxay noqdeen goolashiisa kuwa qaranka dalkiisa guulo ay ku gaaran.
Wareega sideeda waxay la ciyaari doonan xulka qaranka France oo qaarijiyay galabta Argentina iyo Messi halka Uruguay ay soo qaarijiyeen Ronaldo iyo Portugal ayadoo labadii kulan ee ugu horeysay wareega 16-ka la iska dhaliyay 10 gool taasi ayaana sababtay xiisaha uu leeyahay wareega 16-ka ee koobka aduunka.
Ronaldo iyo Messi oo ku guuleystay toban jeer laacibka ugu wanaagsan dunida ayaa tartanka laga ciribtay kadib markii ay ku guuldareysteen in dalalkooda ay ku hagaan wadadii guusha waxaana haatan ay ka dhigan tahay in labaduba aysan ku guuleysan doonin koobka aduunka ayadoo da’doodu ay tahay mid sare waana sababta aysan ugu guuleysan karin koob aduunka markale.
