Roobkaan oo ahaa mid aad u xooggan ayaa saacadihii u dambeeyay ka da’ay magaalada Gaalkacyo ee xarunta Goblalka Mudug iyo Deegaannada ku xeeran, kaas oo ahaa mid Dadka iyo duunyadu ay ku diirsadeen.
Roobka oo socday muddo saacado ah ayaa dhinaca kale waxa uu saameeyn ku yeeshay isku socodka qeybo ka mid ah xaafadaha magaalada Gaalkacyo ee xarunta Gobalka Mudug, kadib markii daadadkii ka dhashay ay sababeen inay xirmaan waddooyin badan oo ku yaala xaafadaha magaalada Gaalkacyo, maadaama magaaladu aysan laheyn biyo mareeno loogu talagalay inay ka gudbaan biyaha mararka ay Roobabku Da’aan, Taasna waxay keentay daadadka Ka dhasha Robabku ay barakiciyaan Qoysas badan.
Xaafadda Garsoor ee magaalada Gaalkacyo ayaa ka mid ah goobaha uu saameeyay roobka, iyadoo dadku ay ka baranayeen daadka dartiis, halka kuwa kalana ay ku guda jireen sidiii ay guryahooda uga saari lahaayeen biyaha ku soo rogmaday, iyagoo isticmaalya Matooro biyaha ay kaga soo bixinayeen biyaha guryahooda ku Rogmaday.
Maamulka Degmada Gaalkacyo ee Galmudug ayaa kal hore u balann qaaday in ay wax ka qaban doonaan dhibaatooyinka ka dhasha daadadka roobku sababo inkasta oo aan weli arrintaas waxba laga qaban.
