Roobka saaka ka da’ay Muqdisho ayaa waxa ku diirsaday dadka ku dhaqan magaalada oo muddooyinkii u dambeeyay ka cabanaayay kuleeyl daran.
Qaar ka mid ah dadka Reer Muqdisho oo la hadlay Radio Muqdisho ayaa sheegay inay Aad ugu faraxsayihiin Roobkaan u da’ay muddana ay sugayeen islamarkaana uu wax badan ka badali doono kulaylo muddooyinkaan ka jiray magaalada.
Dhinaca kale dadka danyarta ah ee ku nool xeryaha barakacayaasha ee magaalada Muqdisho ayuu roobku saameyn ku yeeshay kuwaa oo xalay aan ladin iyaga iyo caruurtooda maadaama ay ku noolyihiin buushash ka sameysan Cowshado.
Meelo kale oo ka mid ah wadadooyinka Makka Al-mukarrama, Wadnaha iyo 30-ka biyo badan ayaa degay.
Roobka xilliga deyrta ah ayaa ka billawday magaalada Muqdisho iyo sidoo kale guud ahaan gobalada dalka, iyadoo laga digayo saameyn uu roobkani ku yeesho dadka ku dhaw deegaanada uu Wabiga maro.
