Qoysaska Barakacayaasha ah ee kunool magaalada Baladweyn ee xarunta gobolka hiiraan ayaa sheegay in haatan ay soo wajeheen caqabado badan maadama agabyadii ay uga gabaadi lahaayeen qabowga roobka iyo kuleelka maalintii haysan iyadoo Barakacayaashaasi ay cosadeen in gurmad la soo gaarsiiyo.
Wariyaha Warbaahinta Qaranka Baladweyn Cabdishakuur Cismaan Cali ayaa soo sheegaya in Duruufta Qoysaskaan ay tahay mid daran oo u baahan in la garab istaago, maamulka gobolka shacabka dhaqaalaha haysta iyo Dowladda Federaalka ah ee Soomaaliya ayey ka dalbadeen gargaar ded deg ah.
Qaar ka mid ah Barakacayaasha ayaa eed kala dul dhacay horjoogayaasha kaamamka qaar oo ay sheegeen in ay u cadaalad falin dadka Dhibaataysan ee kujira xirooyinka isla markaana aan awood u leheen in ay soo dhacsadaan nolol maalmeedk qoysaskooda maadaama ay Duruufaysanyihiin.
Inkastoo deegaanno ka mid ah gobolada dalka qaar ay ka Curteen Roobabkii Gu’ga ayaa saamaynta ugu badan waxa ay xiliyadaan oo kale ku timaadaa Dadka saboolka ah ee kunool xirooyinka Barakacayaasha.
