Dalalka Ruushka iyo Ukraine ayaa isweydaarsaday in ka badan 200 oo maxaabiis ah oo ay kala qabsadeen intii uu dagaalka socday, sida laga soo xigtay masuuliyiin ka kala tirsan labada dhinac.
Wasiirka difaaca ee Ruushka ayaa sheegay in Ukraine ay wareejisay 106 Askari oo ka tirsan ciidamada Ruushka, halka agaasimaha xafiiska madaxweynaha Ukraine uu sheegay in Ruushkuna sii daayay 100 maxbuus oo ay hayeen.
Labada dhinac midna ma bixinin faahfaahin intaas ka baxsan, iyo weliba habka loola kala wareegay maxaabiista, Agaasimaha xafiiska madaxweynaha Ukraine ayaa ku sheegay barta Telegram, in qaar ka mida maxaabiista Ukraine ee la sii daayey inay qabaan dhaawacyo aad u xun iyo weliba xanuuno kale.
Isweydaarsiga maxaabiistan ayaa ah kaliya midda ay ka wada-shaqeeyaan Ruushka iyo Ukraine, tan iyo markii uu dagaalka ka dhex qarxay.
