R/wasaaraha magacaaban Cumar C/rashiid ayaa lagu wadaa in uu saaka hor tago Baarlamanka si uu mudanayaasha u weydiisto codka kalsoonida.
Fadhiga baarlamanka ee maanta ayaa la filayaa in R/wasaaraha magacaaban uu hortago islamarkaana uu ka jeediyo khudbad ku saabsan barnaamijyadiisa siyaasadeed, isagoo codka kalsoonida weydiisan doona mudanayaasha baarlamanka.
Ammaanka baarlamanka ayaa si weyn loo adkeeyay waxaana ciidamo farabadan lagu soo daadiday waddooyinka mara nawaaxiga xarunta goloha shacabka ee magaalada Muqdisho.
R/wasaare Cumar Cabdirashiid ayaa maalmihii u dambeeyay kulamo gaar gaar ah la qaadanayay Xildhibaanada, si codka kalsoonida uu u helo, waxaana hadii codka kalsoonida la siiyo la filayaa inuu soo dhiso Xukuumad cusub.
