R/wasaare ku xigeenka dalka, iyo wasiirro ka tirsan xukuumadda oo ka ka qeybgalay munaasabad lagu weyneynayay maalinta macalinka Sooomaaliyeed oo ku asteysan 21 November.
Waxaa ka qayb galay munaasabada xuska maalinta macalinka Soomaaliyeed ee manta lagu qabtay magaalada Muqdisho ku xigeenka ra,iisul wasaaraha dalka mudane Maxamed Cumar Carte wasiirka wasaaradda waxbarashada hiddaha iyo tacliinta sare, wasiirka dhalinyarada iyo ciyaaraha wasiiru dfowlaha waxbarashada iyo macalimiin.
Masโuuliyiin kala duwan ee ka qeybgalay xafladda xuska maalinta macalinta Soomaaliyeed ayaa ka hadlay muhiimadda macalinku u leeyahay bulshada iyo sida loogu baahan yahay in la siiyo daryeel wanaagsan.
Wasiirka wasaaradda waxbarashada hiddaha iyo tacliinta sare Marwo Qadro Bashiir Cali ayaa sheegtay in wasaaraddu ay dadaal ku bixin doonto sidii macalinku uu u heli lahaa taageerada uu uga baahan yahay wasaaradda.
Wasiirka wasaaradda dhalinyarada iyo ciyaaraha mudane Maxamed Cabdulaahi Xasan Nuux ayaa dar daaran siiyay macalinka Soomaaliyeed waxaana uu carrabka ku adkeeyay in wasaaradda dhalinyarada ay qayb ka qaadaneyso kor u qaadista maqaamka macalinka Soomaaliyeed.
Ugu dambeyn waxaa ka hadlay munaasabadaas lagu xusayay maalinta macalinka Soomaaliyeed oo loo asteeyay 21 November ku xigeenka ramiisul wasaaraha dalka mudane Maxamed Cumar Carte oo ku dheeraaday sida looga baahan yahay in bulshadu siiso macalinka mudnaantiisa, waxaana uu hambalyo u diray dhamaan bahweynta macalimiinta Soomaaliyeed.
