Madaxweynaha waqooyiga Kuuriya Kim jong-il ayaa amar ku bixiyay in la toogto R/wwasaare ku xigeenka dhinaca Tacliinta dalkaasi , kadib markii uu ku eedeeyay in uu siin waayay qadarin.
Wakaaladaha Wararka Kuuriya Waqooyi ayaa baahisay in madaxweyne Kim jong-il uu ka carooday markii Raisul Wasaare ku xigeenka uu soo booqday Qasriga Madaxtooyada kaddibna uu madaxa u raaricin waayay .
Mas’uulkan la dilay ayaa la sheegay in uu ku gacan seyray in uu madaxa u raariciyo Madaxweynaha Waqooyiag Kuuriya, taasina waxey keentay in madaxweyne Kim Jong Il uu amar ku bixiyay in mas’uulkan la ciqaabo si xuna loo dilo.
Mas’uuliyiinta dalkaasi iyo dadka kale ee booqda xarunta Madaxtooyada Waqooyiga Kuuriya ayaa waxaa waajib ku tahay in ay madaxa u raariciyaan madaxweynaha dalkaasi.
Dilka mas’ulkan ayaa la sheegay in lagu toogtay gantaalka garabka laga rido ee loo yaqaan baasuukaha, waxayna arintan loo arkaa mid madaxweynaha dalkaasi uu ku sii cabsi galinayo masuuliyiinta kale ee dalkaasi.
