Wasiiru Dowlaha Amniga iyo Taliyaha Booliiska ayaa Ka Qeyb galay Munaasabad Safaaradda Talyaanigu ku Wareejisay Gaadiid dowladda Talyaanigu ugu deeqday Ciidamada Booliiska Jamhuuriyadda Fedaraalka Soomaaliya.
TaliyahaCiidanka Booliiska Soomaaliyeed General Sulub Axmed Firin, oo ka hadlay munaasabadda ayaa uga mahadceliyay Dowladda Talyaaniga taageerada ay siiso Ciidanka Booliiska Soomaaliyeed.
Safiirka Talyaaniga u fadhiya Soomaaliya, Roberto Vechi, ayaa sheegay inuu Talyaanigu taageerayo codsiga madaxweynaha Jamhuuriyaddu ujeediyay Madaxda Talyaaniga si ay Gacan uga geystaan howlgalada ka dhanka maleeshiyaadka Khawaariijta.
Wasiir Dowlaha Amniga Xukuumadda Fedaraalka Soomaaliya Maxamed Cali Xagaa, ayaa dhankiisa ka mahadceliyay taageerada iyo Garab istaagga dowladda Talyaanigu siiso Ciidamada Amniga Jamhuuriyadda Fedaraalka Soomaaliya.
