Safiirka Jamhuuriyadda Soomaaliya ee dalka Ethiopia Mudane Cabdullaahi Maxamed Warfaa, ayaa maanta xafiiskiisa ku qaabilay safiirka Dawladda Ingiriiska u fadhiya Ethiopia Ambassador Darren Welch, waxayna ka wada hadleen adkaynta xiriirka qotada dheer ee ka dhexeeya Soomaaliya iyo Ingiriiska.
Safiir Warfaa ayaa Dawladda Ingiriiska ku bogaadiyay mashaariicda horumarineed ee baaxadda weyn oo ay ka waddo Soomaaliya, isagoo ku adkeeyey inay sii dar-dar geliso garab istaagga iyo la shaqaynta ay Dawladda Ingiriisku u muujiso Soomaaliya.
