Danjire Jabriil Ibraahim Cabdulle ayaa kusoo dhaweeyay Xarunta Safaraadda xubno ka tirsan warbaahinta Nation Media Group oo ah warbaahinta ugu weyn dalka Kenya.
Danjire Jabriil Ibraahim Cabdulle ayaa ugu mahadceliyay Madaxda iyo hogaanka Shirkadda Nation Media kaalintii ay ka qaateen qabanqaabada iyo qabsoomida shirweynahii Maalgashiga iyo ganacsiga ee lagu qabtay magaalada Muqdisho bishii la soo dhaafay ee April.
James Sogoti oo hogaaminayay wafdiga ayaa dhankiisa uga mahadceliyay Safaaradda, gaar ahaan Danjiraha Soomaaliya dhiiragelinta Nation Media.
Nation Media ayaa guddoonsiiyay Danjiraha Soomaaliya hadiyad ay ku muujinayeen dareenkooda iyo wada shaqeynta Safaaradda iyo Nation Media.
