Safiirka Jamhuuriyadda Federaalka Soomaaliya u fadhiya dalka Kuwait Dr. Cabdullaahi Maxamed Odowaa ayaa ka qeyb galay munaasabad lagu xusayey maalinta Afrika oo fiidnimadii xalay ka dhacday caasimadda dalkaasi.
Xafladda ayaa waxaa ka qeybgalay Wasiirka Arrimaha Dibadda Kuwait Mudane Abdullah Ali Al-Yahya iyo Madax ka kala socotay 34 dal oo Afrikaan ah iyo safiirada ku sugan dalkaasi.
Maamulka Safaaradda iyo Jaaliyadda Soomaaliya ayaa soo bandhigay hiddaha iyo dhaqanka Soomaaliyeed, ,iyadoo Sidoo kale, koox ciyaartooy ah ay ka qayb-gashay cayaar kubadda cagta ah oo qayb ka ahayd dabaal-degga.
Maalinta Afrika oo sanad walba la xuso 25-ka May ayaa lagu xusayaa aasaaskii Ururka Midowga Afrika ee 1963-dii, kaasoo markii dambe noqday Midowga Afrika.
Xuska 25-ka May waa maalin loo asteeyay in la xushmeeyo hiddaha Afrika, horumarinta nabadda iyo midnimada, laguna milicsado horumarka iyo caqabadaha jira ee ku wajahan Qaaradda Afrika
