Safiirkii Dowladda Sudan u fadhiyay Soomaaliya Maxamed yuusuf ibraahim, ayaa waxaa Magaalada Muqdisho loogu sameeyay kulan sagootin ah
Waxaa ka qeyb-galay wasiiro iyo xildhibaano katirsan Baarlamaanka Soomaaliya iyo sidoo kale ardaydii wax kasoo baratay dalka Suudaan.
Related posts
Wasiir ku xigeenka Wasaaradda Dastuurka Soomaaliya Mudane Xuseen Cabdi Cilmi ayaa u mahad celiyey safiirka la sagootiyey, waxaana uu sheegay in si wanaagsan uu ula shaqeeyey dowladda Soomaaliya mudadii uu xilka hayey.
βSafiirkii hore aadbuu ugu mahadsanyahay sida wanaagsan ee uu uga shaqeeyey xiriirka labada dal iyo sidii loosii wanaajin lahaa, intii uu joogay howl wanaagsan ayuu dalka ka qabtayβayuu yiri wasiir kuxigeenka Dastuurka Soomaaliya
Safiirka la sagootinayay ee Sudan u fadhiyay soomaaliyaΒ Maxamed Ibraahim Yuusuf ayaa sheegay in wax badan ay u kordheen intii uu ka shaqeynayey Soomaaliya.
βLabada dal ee Soomaaliya iyo Suudaan waa laba dal oo walaalo ah, waxa ka dhaxeeya labada dal waa ka weyn yihiin saaxiibtinimoβayuu yiri safiirkii hore ee Suudaan ee Soomaaliya.
Ugu dambeyn safiirka ayaa la guddoonsiiyey shahaado sharaf iyo alaabaha Soomaaliya u ah Hidaha iyo Dhaqanka.
