Kumanaan qof ayaa maanta salaaddi Jimcaha kaddib isugu yimid goobtii masiibada weyn ka dhacday 14 October Maalintii Sabtida, kadibna waxa ay salaadda Janaasada ku tukadeen halkii ay musiibada ka dhacay, iyagoo si wada jir ah ugu duceeyey marxuumiintii shuhadada ahaa ee lagu waayay 14-kii bishan.
Salaadda Janaasada kaddib ayaa Jamaacada Masaajidka Cumar Binu Khadaab, dadkii kale ee ka qeyb galay salaadda iyo Imaamka Masjidka Sheekh Cabdi Xayyi waxa ay u duceeyeen marxuumiintii shuhadada, iyagoo Alle uga baryay in uu Janadii Fardowso ka waraabiyo, kuwa dhaawacana uu Alle bogsiiyo.
Related posts
Wariyaha Warbaahinta Qaranka Sugaal Macalin Maxamuud oo tegay goobta ayaa ku waramay in dhamaan intii ka qeyb gashay salaadda Janaasada ay wajiyadooda ka muuqatay shacuur, iyagoo bulshada ka codsaday inay hal meel uga soo wada jeestaan cadowga gumaadka ku haya bulshada Soomaaliyeed.
