Saraakiil ka socatay hay’addaha Qaramada Madoobe oo door ku lahaa dhismaha Golaha deegaanka degmada Gaalkacyo ee Galmudug iyo mashaariicda horumarineed ee ka qabsoomay Gaalkacyo mudadii labada sano aheyd ee uu dhisnaa golaha deegaanka degmada, ayaa maanta soo gaaray Magaalada Gaalkacyo
Saraakiishaan oo sida ay sheegeen u jeedada imaanshahoodu uu ahaa mid la xariira u kuurgalida waxyaabihii u qabsoomay maamulka degmada tan iyo wixii ka dambeeyay dhismihii golaha deegaanka, ayaa maanta kulan kula qaatay Xarunta Dowlada hoose ee degmada.
Kulanka,ayaa ugu horreyn maamulka degmada waxay ka warbixiyeen waxyaabihii u qabsoomay, iyadoo ay soo bandhigeen muuqaalo muujinay shaqada adag ee dhinac walba leh oo maamulku qabtay, kuwaas oo ahaa inta badan kuwa isku tashi ah looga hirgaliyay Gaalkacyo.
Saraakiisha ka socatay Hay’adda FCA iyo Wasaaradda arrimaha dibada Finland,ayaa sidoo kale sheegay inay wax badan kala shaqeeyaan maamulka ayna sii wadayaan mashaariicda horumarineed,iyagoo kaashanaya sida ay xuseen Wasaaradda arrimaha dibada Soomaaliya iyo Wasaaradaha kale ee ka masuulka ah shaqada ay ka qabanayaan dalka guud ahaan.
Ugu dambeyn waxa ay u mahadceliyeen hoggaanka maamulka degmada Gaalkacyo iyo dhammaan Golaha deegaanka dagmada Gaalkacyo oo ay ku tilmaameen in dhammaan maamulada dagmooyinka dalka ay tusaale u noqan karaan.
