Deegaanka Halgan ee gobalka Hiiraan oo shalay uu ka dhacay dagaal xoogan ayaa waxaa maanta gaaray saraakiil ka tirsan dowlada Soomaaliya, AMISOM iyo wariyaal ka tirsan warbaahinta Qaranka Soomaaliya.
Saraakiisha AMISOM ayaa warbaahinta u soo bandhigay 140-maydadka Maleeshiyada Shabaab ah kuwaasi oo lagu dilay dagaalka ka dhacay Halgan oo ka danbeeyay markii weerar ay soo qaadeen Al-Shabaab.
Sidoo kale saraakiisha AMISOM ayaa warbaahinta Tushay in ka badan 100, Qori oo ah AK47 iyo hub kale oo badan oo ay ku jiraan Bastoolada iyo Bam Gacmeedyo laga qabsaday Maleeshiyada Al-Shabaab.
Saraakiisha AMISOM eek u suganaa Xerada ay weerarka ku soo qaadeen Maleeshiyadaan ayaa sheegay inay u diyaarsanaayeen inay ka hortagaan weerada nuucaan oo kale ah oo kaga yimaada kooxda Al-Shabaab.
Maleeshiyada Shabaab ayaa weerar gaadmo ah waxay ku qaadeen xero ay daganyihiin ciidamada AMISOM wayna doonayeen inay xeradaasi qabsadaan laakiin waxay la kulmeen iska cabin xoogan taasi oo keentay inuu soo gaaro khasaaraha ugu badan.
