Safiirka midowga yurub u qaabilsan soomaaliya Michele Cervone d’Urso oo ay dhinacyada ka fadhiyeen taliyaha xilka wareejinaya ee howlgalka midowga yurub u qaabilsanaa tababaridda ciidamada Soomaaliya Bridg Gen Massimo Mingaradi iyo taliyaha cusub ee xilka la wareegaya Bridg gen Antonio Maggi oo maanta shir jaraa’id ku qabtay magaalada Nairobi ayaa ka hadlay halka u marayo howgalka ay midowga yurub ku tababarayaan kuna qalabeynayaan ciidamada dowlada Soomaaliya.
Taliyaha xilka wareejinayo ee howlgalka midowga yurub u qaabilsanaa tababaridda ciidamada dowlada Soomaaliya Bridg Gen Massimo Mingaradi ayaa sheegay in laga soo bilaabo bishii February ilaa bishii December ee sanadkii 2014 ay dowlada Soomaaliya xerada Jazira ee duleedka magaalada muqdisho ku tababareen ciiidamo gaaraya ilaa 1400 oo askari,islamarkaana ay sanadkan 2015 tababari doonaan 1000 kun sarkaal kuwaasi oo awood u yeelan doono mustaqblka ay tababaraan ciidamada dowlada Soomaaliya.
Bridg Gen Massimo Mingaradi ayaa sheegay in howlgalka midowga yurub ay ku tababarayaan ciidamada dowlada Soomaaliya uu dhamaan doono sanadka 2016,isagoo ay sheegay in howlgalkan oo soo bilowday sanadkii 2010 ay rajeynayaan in ay dowlada Soomaaliya ugu tababaraaan ciidamo gaaraya ilaa 7 kun oo askari.
Bridg Gen Massimo Mingaradi ayaa u mahad celiyay 12-toban wada oo ka tirsan midowga yurub,kuwaasi oo ka qeyb daadanaya howlgalka ay midowga yurub ku tababarayaan ciidamada dowlada Soomaaliya.
“Waa guuleystay howgalka ay midowga yurub ku tababarayaan ciidamada dowlada Soomaaliya,marka laga eego dhanka siyaasadda iyo militariga”Ayuu yiri Bridg Gen Massimo Mingaradi.
Ugu danbeyntii safiiirka midowga yurub u qaabilsan soomaaliya Michele Cervone d’Urso ayaa sheegay in midowga yurub ay sii wadi doonaan taageerada ay siinayaan dowlada Soomaaliya iyo tababaridda ciidamada dowlada Soomaaliya, si ay awood ugu yeeshaan in ay la wareegaan ammaanka guud ahaan dalka Soomaaliya.
“Sanadkii la soo dhaafay ciidamada AMISOM iyo kuwa dowlada Soomaaliya waxa ay Al-shabaab ka xoreeyeen magaalooyin badan,lakiin sanadkan waxaa loo baahanyahay in horumar la sameeyo”Ayuu yiri Ambassador Michele Cervone d’Urso.
Howlgalka ay midowga yurub ku tababarayaan ciidamada dowlada Soomaaliya oo soo bilowday sanadkii 2010 ayaa la filayaa in la soo gabagabeeyo bisha December ee sanadka 2016.
