Taliyaha ciidanka booliska ayaa manta tababar magaalada Muqdisho uga furay saraakiil ka tirsan ciidanka booliska oo kala yimid gobolada dalka.
Saraakiisha tababarka loo furay oo ka kala yimid gobolada dalka ayaa waxa uu tababarkoda socon doono afar cisho, kuwaasi oo la bari doono sharciyada booliska uga aadan hirgelinta nidaamka federaalka ah, maadaama saraakiisha ay ka kala yimaadeen maamul gobolleedyada dalka, loogana baahanyahay inay u adeegaan bulshadooda.
Qaar ka mid ah saraakiisha tababarka loo furay ayaa sheegay in ay aad ugu faraxsansiyihiin siminaarkan uu taliska ciidanka booliska ugu qabtay Muqdisho, iyagoo xusay in waxyaabaha ay ka faa’iideystaan ay ugu adeegi doonaan bulshada ku nool deegaannada ay ka yimaadeen.
Taliyaha ciidanka booliska Saraayo Gaas Maxamed Sheekh Xasan Xaamud oo furay tababarka ayaa sheegay in ciidanka booliska uusan lahayn xuduud, isla markaana sharciyadiisay ay ka midtahay u adeegidda shacabka heer gobol ilaa iyo heer Qaran.
Saraakiisha tababarka loo furay ee laga kala keenay Maamul goboleedyada dalka ayaa la barayaa doorka uga aadan xasilinta amniga iyo la shaqeynta hay’adaha kale ee dhanka nabadgelyada qaabilsan, si looga hortago waxkasta oo qal qal ku abuuri kara amniga.
