Kulankani magaalada Muqdisho ay ku yeesheen saraakiisha hey’adaha ammaanka ayaa waxa ay kaga hadleen arrimo la xiriira ammaanka iyo sida loo xoojin karo sugida ammaanka oo ciidamada ay ku howlanyihiin taasi oo dadka Shacabka ah ay soo dhaweeyeen.
Kulanka markii uu soo gaba gaboobay kaddib ayaa waxaa warbaahina Qaranka la hadlay Afhayeenka Hey’adaha Ammaanka Maxamed Yuusuf Cismaan isagoo sheegay in kulankaasi lagu gorfeeyay xoojinta sugida ammaanka iyo sida ciidamada ammaanka ay ugu mashquulsan yihiin la socodka iyo sugida ammaanka.
Afhayeenka Hey’adaha ammaanka Maxamed Yuusuf oo hadalkiisa sii wata ayaa waxa uu sheegay in loo baahan yahay dadka u shaqeeya Dowladda in ay ka feejignaadaan in gawaaridooda loogu soo xiro waxyaabaha qarxa oo cadowgu ku doonayo in ammaanka Caasimada ay ku qal qal galiyaan maadaama Ciidamada Ammaanka habeen iyo maalin ay u soo jeedaan fashilinta iyo ka hortagida falalka naf la caarinimada ah ee argagaxisada ay ku caan baxeen.
Ugu dambeyntii afhayeenka ayaa sheegay in aysan jirin wadooyin la xiray oo ay furan yihiin wadooyinka magaalada Muqdisho marka laga reebo wadooyin amni sugida ay ka socoto.
