Hay’adaha samafalka ee Save the Children iyo Church ayaa beesha caalamka ugu baaqay in gargaar bini’aadantinimo oo degdeg ah la gaarsiiyo Itoobiya, Soomaaliya Kenya halkaas oo ugu yaraan 16 milyan oo qof ay halis ugu jiraan macaluul ka dhalatay abaartii ugu xumayd muddo 40 sano ah.
Sida ay sheegtay Hay’adda Save the Children in dad lagu qiyaasay 16 milyan oo qof oo ay ku jiraan carruur badan ay u baahan yihiin gargaar cunto oo degdeg ah, gaar ahaan dadka ku nool Itoobiya, Soomaaliya iyo Kenya, dalalkaasoo saddex xilli roobaad oo xiriir ah ay baaqdeen.
6 ilaa 6.5 milyan oo ka mid ah dadkan waxay ku sugan yihiin Itoobiya, 3.5 Kenya, halka dad gaaraya 6 milyana ay ku noolyahiin Soomaaliya.
Save the Children ayaa sheegtay in haddii aan si degdeg ah wax looga qaban xaaladda ka jirta Geeska Afrika, 1.4 milyan oo carruur ah ay nafaqo darro ba’an soo wajahi karto bartamaha sanadkan.
